![](https://blogger.googleusercontent.com/img/b/R29vZ2xl/AVvXsEg9aphTcfI1au8Hg9mTaRoixMIEj52N37xZxdwj3kd8Ph0OdcpAM_JytAYT6TQ6azedmgZNW40zYbCIF4CfvF4l6KY9BN6s810jqKEtDMHqpY_l3RymxgoRl0RieQ0pZ8tg09OnL_f9VsbtpL2Rjjaunq0mEWXvJ5wjFagIMJ8hog8APHZJGdit0FLE/w400-h240/Jamkhandi%20Cooker%20Blast.webp)
ಜಮಖಂಡಿ: ಅಂಗನವಾಡಿಯಲ್ಲಿ ಅಡುಗೆ ಮಾಡುವ ವೇಳೆ ಕುಕ್ಕರ್ ಸ್ಫೋಟವಾಗಿ (Cooker Blast) ಇಬ್ಬರು ಮಕ್ಕಳು ಗಾಯಗೊಂಡಿರುವ ಘಟನೆ ಜಿಲ್ಲೆಯ ಸಾವಳಗಿ ಗ್ರಾಮದ ಸಮೀಪದ ಬ್ಯಾಡಗಿ ವಸ್ತಿಯಲ್ಲಿ ನಡೆದಿದೆ.
ಸಮರ್ಥ (2), ಅದ್ವೀಕ್ (4) ಗಾಯಗೊಂಡ ಬಾಲಕರು. ಅಂಗನವಾಡಿಯಲ್ಲಿ ಬುಧವಾರ ಕುಕ್ಕರ್ ಬ್ಲಾಸ್ಟ್ ಆಗಿದೆ. ಈ ವೇಳೆ ಗಾಬರಿಯಿಂದ ಮಕ್ಕಳು ಹೊರಕ್ಕೆ ಓಡುವಾಗ ಬಿದ್ದು ಗಾಯಗೊಂಡಿದ್ದಾರೆ. ಅವರನ್ನು ಜಮಖಂಡಿ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಈ ಬಗ್ಗೆ ಜಮಖಂಡಿ ಸಿಡಿಪಿಒ ಅನುರಾಧ ಹಾದಿಮನಿ ಪ್ರತಿಕ್ರಿಯಿಸಿ, ಮಕ್ಕಳಿಬ್ಬರೂ ಆರೋಗ್ಯವಾಗಿದ್ದಾರೆ. ಕುಕ್ಕರ್ ಬ್ಲಾಸ್ಟ್ನಿಂದ ಅವರಿಗೆ ಗಾಯವಾಗಿಲ್ಲ. ಬ್ಲಾಸ್ಟ್ ಆದಮೇಲೆ ಗಾಬರಿಗೊಂಡು ಓಡುವಾಗ ಬಿದ್ದು ಗಾಯಗೊಂಡಿದ್ದಾರೆ. ಇದೇ ವೇಳೆ ಕುಕ್ಕರ್ ಹವೆ ತಾಗಿ ಅಡುಗೆ ಸಿಬ್ಬಂದಿಗೆ ಸಣ್ಣಪುಟ್ಟ ಗಾಯಗಳಾಗಿವೆ ಎಂದು ಮಾಹಿತಿ ನೀಡಿದ್ದಾರೆ.