![](https://blogger.googleusercontent.com/img/b/R29vZ2xl/AVvXsEhkGt9c9uyWFPRVayKhuf2vsUfMP7cTh0jm8tVplDM5cZzeItRA_qtX9sQzphIGL9nFJtxfmD-XQE4Dll4ap69F2NRArNTO_5W4zEna170zxTkfKXFH-YUgouRnFa0oJvfpVwGkJDPfdh4yRTcYwCqG9VS_ZnP1CuTOFkepzhJ_v_pS0LHMAQh9mL5D/w400-h217/%E0%B2%A6%E0%B3%8A%E0%B2%A1%E0%B3%8D%E0%B2%A1%20%E0%B2%AE%E0%B3%8A%E0%B2%A4%E0%B3%8D%E0%B2%A4%E0%B2%95%E0%B3%8D%E0%B2%95%E0%B3%86%20%E0%B2%AE%E0%B2%BE%E0%B2%B0%E0%B2%BE%E0%B2%9F%E0%B2%B5%E0%B2%BE%E0%B2%A6%20%E0%B2%AE%E0%B3%81%E0%B2%A7%E0%B3%8B%E0%B2%B3%20%E0%B2%8E%E0%B2%A4%E0%B3%8D%E0%B2%A4%E0%B3%81.webp)
ಮುಧೋಳ : ಸಮೀಪದ ಹಲಕಿ ಗ್ರಾಮದ ಕಾಶಿಲಿಂಗಪ್ಪ ಮತ್ತು ಯಮನಪ್ಪಗಡದಾರ ಸಹೋದರರು ಸಾಕಿ ಬೆಳೆಸಿದ್ದ ಎತ್ತು ಬರೋಬ್ಬರಿ 14 ಲಕ್ಷ ರೂ.ಗಳಿಗೆ ಮಾರಾಟವಾಗಿ ಎಲ್ಲರ ಹುಬ್ಬೇರುವಂತೆ ಮಾಡಿದೆ.
ಎರಡೂವರೆ ವರ್ಷದ ಹಿಂದೆ ಮೂಡಲಗಿ ತಾಲೂಕಿನ ರಡರಟ್ಟಿ ಗ್ರಾಮದಿಂದ 5 ಲಕ್ಷ ರೂ. ಕೊಟ್ಟು ಈ ಎತ್ತು ಖರೀದಿಸಿದ್ದರು. ಎರಡುವರೆ ವರ್ಷದಲ್ಲಿಕಟ್ಟು ಮಸ್ತಾಗಿ ಬೆಳೆದ ಎತ್ತು ಇಂದು ಬರೋಬ್ಬರಿ 14 ಲಕ್ಷರೂಪಾಯಿಗೆ ಮಾರಾಟವಾಗಿದೆ. ಸುಮಾರು 50ಕ್ಕೂ ಹೆಚ್ಚು ಕಣದಲ್ಲಿ ಸ್ಪರ್ಧೆ ನೀಡಿ, ಎಲ್ಲಕಡೆ ಬಹುಮಾನಗಳನ್ನು ಪಡೆದುಕೊಂಡಿದೆ. ಅಷ್ಟೇ ಅಲ್ಲದೆ, 6 ಬೈಕ್, 5 ತೋಲಿ ಬಂಗಾರ, 12ಲಕ್ಷ ರೂ.ಗಳನ್ನ ಗಳಿಸಿದೆ.
ಸದ್ಯ ಈ ಎತ್ತನ್ನು ರಬಕವಿ-ಬನಹಟ್ಟಿತಾಲೂಕಿನ ನಂದಗಾಂವ ಗ್ರಾಮದ ವಿಠ್ಠಲ ಮ್ಯಾಗಾಡಿಯವರು 14ಲಕ್ಷ ರೂ.ಗೆ ಖರೀದಿಸಿದ್ದಾರೆ. ಯಾವುದೇ ಕಣಕ್ಕೆ ಇಳಿದರೂ ಬಹುಮಾನ ನಿಶ್ಚಿತವಾಗಿ ಪಡೆದುಕೊಳ್ಳುತ್ತಿತ್ತು.
ಕರ್ನಾಟಕದಲ್ಲಷ್ಟೇ ಅಲ್ಲದೇ ಬೇರೆ ಬೇರೆ ರಾಜ್ಯಗಳಲ್ಲೂ ಪ್ರಸಿದ್ಧಿಯನ್ನು ಪಡೆದುಕೊಂಡಿದೆ. ಗ್ರಾಮಸ್ಥರು ತಮ್ಮ ನೆಚ್ಚಿನ ಎತ್ತನ್ನುಆರತಿ ಎತ್ತಿ ಭಾವನಾತ್ಮಕವಾಗಿ ಬೀಳ್ಕೊಟ್ಟರು.