![](https://blogger.googleusercontent.com/img/b/R29vZ2xl/AVvXsEgK1pCD-PnnsEJkAS17I9X-BD4OFJy8HF049rKPWROOqsOpE-tbwyFiUfo10_f78w44v75hTfIK5M1CZ0lB_Unxz1wX7HEzgQF-D1rCPjJzm47oV0xPzvGaY-8wbLP9Q8rEJRiy1wOvPXYnAajibThPBD-rh5LsVVvVLWGZe1pw1QHc-FkaHKPe4xQR/w400-h209/20230115_180612.png)
ಬಾಗಲಕೋಟೆ: ಇದು ಜಿಲ್ಲೆಯಿಂದ ಜಿಲ್ಲೆಗೆ ಸಂಪರ್ಕ ಕಲ್ಪಿಸೋ ಸೇತುವೆ. ಆದ್ರೆ ಸವಾರರ ಪಾಲಿಗೆ ಇದೊಂಥರ ಸೆಲ್ಫೀ ಸ್ಪಾಟ್. ಸೂರ್ಯೋದಯ, ಸೂರ್ಯಾಸ್ತ ಕಣ್ತುಂಬಿಕೊಳ್ಳೋದಕ್ಕಂತೂ ಇದು ಸೂಪರ್ ಪ್ಲೇಸ್. ಕಣ್ಣಾಯಿಸಿದಷ್ಟು ದೂರ ನದಿ ಜಲದ ಆಕರ್ಷಣೆ ಹೊಂದಿರೋ ಈ ಸೇತುವೆ ರಾಜ್ಯದ ಹೆಗ್ಗಳಿಕೆಯೂ ಹೌದು.
ಕೋರ್ತಿ ಕೊಲ್ಹಾರ ಸೇತುವೆಯ ಸುಂದರ ದೃಶ್ಯಗಳು
![](https://blogger.googleusercontent.com/img/b/R29vZ2xl/AVvXsEj1wap6oStkvMWr0YmroYqEjUp_9Du3QkOmymcryQKvJqkp9ILrJUEXVioPhTcK1CrvUQeD1yjs1IN4VPQSVfbd7zpb-F5ADdXz7TYg1XpQriW6RpWql5Hb6OKhyRCfH1sbClBLdVIL29cPn0o-qJbrmVewQp6wSqYh8j22iB8e8yt7b1FCmOVFRiYR/w400-h299/Screenshot_2023-01-15-17-45-10-375-edit_com.android.chrome.jpg)
![](https://blogger.googleusercontent.com/img/b/R29vZ2xl/AVvXsEjJirWlFih8rW2ZfFCKo89hrHDVTN9r1vrwuY6nHveI2lR6YBS0sMO1RiO3UppUaqwAUpnSlYBV75OY9hImgaTge3FcpT04_ugpT5Tl5dNtP6zZ-_lPOC8W7WshwNrAu9cPvsgWmNESo1Dr7vPVbi38nzf8amJumC-noo8THex0rC9r-IGm1i7pC5CJ/w400-h213/Screenshot_2023-01-15-17-46-13-109-edit_com.android.chrome.jpg)
ಈ ಸೇತುವೆಯು ಬಾಗಲಕೋಟೆ ಜಿಲ್ಲೆಯ ಕೊರ್ತಿ ಗ್ರಾಮದಿಂದ ವಿಜಯಪುರ ಜಿಲ್ಲೆಯ ಕೊಲ್ಹಾರ ಪಟ್ಟಣಕ್ಕೆ ನೇರ ಸಂಪರ್ಕ ಕಲ್ಪಿಸುವ ರಾಷ್ಟ್ರೀಯ ಹೆದ್ದಾರಿ 218, ಆಲಮಟ್ಟಿಯ ಕೃಷ್ಣಾ ನದಿ ಅಣೆಕಟ್ಟೆಯ ಹಿನ್ನೀರಿಗೆ ಈ ಸೇತುವೆ ನಿರ್ಮಿಸಲಾಗಿದೆ. 3 ಕಿಲೋ ಮೀಟರ್ ಉದ್ದದ ಈ ಸೇತುವೆ ದೇಶದ 20 ಅತೀ ಉದ್ದದ ಸೇತುವೆಗಳ ಪೈಕಿ 20 ನೇ ಸ್ಥಾನವನ್ನು ಪಡೆದುಕೊಂಡಿದೆ. ಹಾಗೂ ಇದಕ್ಕೆ ಜೆ ಹೆಚ್ ಪಟೇಲ್ ಅವರ ಹೆಸರನ್ನು ಕೂಡ ಇಡಲಾಗಿದೆ.
2016ರಲ್ಲಿ ಸಂಚಾರ ಸಂಚಾರ ಮುಕ್ತವಾ ಈ ಸೇತುವೆಯು ಬರೋಬ್ಬರಿ 48.50 ಕೋಟಿ ರೂಪಾಯಿ ವೆಚ್ಚದಲ್ಲಿ ನಿರ್ಮಾಣವಾಗಿತ್ತು. ಸದ್ಯ ಈ ಸೇತುವೆ ಬಾಗಲಕೋಟೆ, ವಿಜಯಪುರ ಜಿಲ್ಲೆಗೆ ಆಗಮಿಸುವ ಪ್ರವಾಸಿಗರಿಗೆ ನೆಚ್ಚಿನ ತಾಣವೂ ಆಗಿದೆ. ಬೈಕ್ ಸವಾರರಂತೂ ಅಲ್ಲೇ ಸ್ಟ್ಯಾಂಡ್ ಹಾಕಿ ನಿಲ್ಲಿಸಿದ್ರೆ, ಮತ್ತೊಂದಿಷ್ಟು ಹೊತ್ತು ಸೇತುವೆ ಸಮೀಪದಲ್ಲೇ ಕಳೆಯುತ್ತಾರೆ. ಸೆಲ್ಫೀ ಕ್ಲಿಕ್ಕಿಸುತ್ತಾ ಎಂಜಾಯ್ ಮಾಡ್ತಾರೆ.
ಕೋರ್ತಿ ಕೊಲ್ಹಾರ ಸೇತುವೆಯ ಸುಂದರ ದೃಶ್ಯಗಳು
![](https://blogger.googleusercontent.com/img/b/R29vZ2xl/AVvXsEi5Zvo5TCrCLBKAw0GQ8SWhT0yXwecTZFpJFnYH3ZshWoEbri1U5pc1dtlrLTOY33UoAyQiKX4lEcugXEzX8BxQuUMukrzwHjQxBRCWYhBJhbSyv14iLHvRGllrAcf7vkpijPuyebfsCZaIWXY7ZR6X32bsGh4j7_uhPd3EwQo9SZX_CEvN7yRcrXGW/w400-h300/20230115_173647.jpg)
![](https://blogger.googleusercontent.com/img/b/R29vZ2xl/AVvXsEhBYBwOsr_LwoBH9d4qQCsNYKZ7ybQo1xniozYZAwGPQx3cKT93GjHpXlxsj19PlfjI8-i1k8pSnx0ErKqBrjRebWVCD-dsa8Vg7ukg6rbEQ5tDEJ8whNYP54fkKrkPSb4ch2w0DGE1PlUuUGMqwM7nkTh0pOx8MNdc5uQSzLakBceXyaxQsJ9jTbH-/w400-h225/images.jpeg)
ಇನ್ನು ಈ ರಸ್ತೆ ಸೇತುವೆ ಮೇಲೆ ನಿಂತು ಕೃಷ್ಣಾ ನದಿಯ ಸೊಬಗು, ಬೆಳಗಿನ ಜಾವದ ಸೂರ್ಯೋದಯ, ಸಂಜೆಯಾಗುತ್ತಲೇ ಸೂರ್ಯಾಸ್ತ ಕಣ್ತುಂಬಿಕೊಳ್ಳಲು ನೂರಾರು ಜನರು ಹಾಜರಾಗ್ತಾರೆ. ಜೊತೆಗೆ ಕಣ್ಣು ಹಾಯಿಸಿದಷ್ಟು ಕೃಷ್ಣ ನದಿಯ ಜಲರಾಶಿಯ ಶಾಂತವಾದ ಹರಿವು ಇನ್ನಷ್ಟು ಮುದ ನೀಡುತ್ತದೆ.